Distinguita Siñora Presidenta de EFS
M'endrezo a busté en a mía calidat de Presidenta de Estau Aragonés
(EA), ta demandar o nuestro ingreso en Alianza Libre Europea (EFA). O nuestro
partido se fundó en 2006, recuperando as siglas de o creyato en 1934 por Gaspar
Torrente, y a nuestra ideolochía actual coincide, punto por punto, con a
espresata por o Manifiesto de EFA de 2019.
Ta esplicar a razón por a que demandamos en iste inte o ingreso ye
menester fer una breu retrospectiva de a nuestra trayectoria politica d'istas
añadas.
Estau Aragonés fue refundato por una colla de viellos militants de o
nacionalismo aragonés, beluns d'istos disidents de CHA que eban siu
forachitatos, sancionaus o simplament amarginatos por espresar as suyas ideyas
independentistas, a penar de que CHA, formaba parti, en iste inte, de EFA.
Hasta 2015, dende EA miramos de treballar t’achuntar a ros
soberanistas aragoneses en una plataforma unitaria, sin de esito, plegando en
as eslecions municipals d'ixa añada tres partitos politicos: CHA, PYLN y Estau
Aragonés. En as conversas que manteniemos con os atros dos, á iniciativa
nuestra, rechazaron colaborar electoralment, y asinas CHA se presentó sola y
PYLN s’integró en as coalicions provincials impulsatas por Izquierda Unida
(IU), Estau Aragonés por o nuestro costau, decidiemos presentar una candidatura
ta o Concello de Zaragoza, de carácter testimonial, plegando en un curto 0’14
(500 votos), pero que aconsiguió l’ochetivo mirau: fer-nos veyer debant de a
conchunta de os nacionalistas aragoneses que bi eba un partido soberanista con
rasmia como ta presentar-se solo ta ras eslecions.
A partir d’iste inte, empentemos a estratechia que clamamos
COMPLEGANZA, parola aragonesa que quiere dicir alto u baxo “achuntar-se ta
meter-se d’alcuerdo”, con a ideya de reachuntar a toz os aragonesistas en una
sola plataforma electoral, debant de a evidencia que a nuestra división sólo
vale que ta trayer a disgracia ta o país.
A nuestra estratechia de Complenganza nos permitió bel creiximiento y
a implantación en bellas redoladas, como a de Tarazona y o Moncayo en a que i
presentemos candidaturas municipals en 2019, obteniendo un resultato bien
discreto; obteniemos solo que un concellero en Trasmoz y no entremos en o
Consello de Redolada. En antes, ébanos mantenido conversas con CHA ufrindo-nos
a participar como independients en as listas suyas, pero nos refusoron de
nuevas, y asinas tornemos a presentar lista en o Concello de Zaragoza,
ripitiendo nuestro 0,1%, pero ista vegata CHA no plegó en o 5% y por consiguient
s’en quedó sin ripresentación en a capital, coincidindo antimás con a recient
salida de EFA. Tan i mientres, PLYN cambeaba la suya politica d'alianzas,
trencaba con IU y s’achuntaba en as coalicions lideradas por Podemos, a la par
que s’achuntaba en a coalición Ahora Repúblicas.
De Camín, dimpués de o fracaso electoral de 2019, empecipiaron as conversas
entre esferents collas aragonesistas, politicos, sindicals y culturals, que
sinnificaron a colaboracion en as esferents autividaz publicas, y desembocaron
en un alcuerdo electoral entre CHA y Estau Aragonés de cara ta ra convocatoria
electoral de 2023.
Iste acuerdo ye parcial, pues suposa o refirme de Estau Aragonés a ras
listas de CHA ta Cortes d’Aragón y ta o Concello de Zaragoza, participando os
nuestros militants como candidatos independients en as listas de CHA, pero
creyemos que ye un paso enta ra direción correcta, pues avanza en a
reunificación de os aragonesistas y será bueno ta o país. Ta o nuestro partido
sinnifica un reconoiximiento publico real y, anque no nos da tanta visibilidat
como deseyamos, sinnifica un avance en o enduramiento de o nuestro proyeuto
político.
En
consecuencia, creyemos que ye plegau l’inte de demandar l’ingreso en EFA: pues
avanzando en a Compleganza, caminamos cara ta un entarabidau politico unitario
y estable para tot l’aragonesismo progresista. Enta un movimiento politico que
torne a sumar con EFA en as Elecions Europeas, si podiese ser ya en 2024 como
en 2004 y 2009, pero ista vegata de traza decidida y sincera y no como una simpla
apuesta tactita coyuntural.
A ra fin, l’ingreso de Estau Aragonés en EFA no sinnifica tan solo que
a entrada d’un partido coderent y comprometito pero testimonial, sino tamién
ubrir a puerta a l’aragonesismo que un día, cuan estió chunto, plegó a obtener
100.00 votos y que en 2004 intregata en a coalición Europa de os Pueblos,
aquera CHA que nos achuntaba a toz, obtuvo 30.000, o 6%.